ika-21 ng Oktubre

Isang gabi na puno ng pangamba at takot

Na kailanma'y hindi mababaon sa limot

Bawat patak ng oras ay naging mahalaga

Hanggang sa ito'y sumapit sa isang umaga

Nagising na tila ba'y parang may hinihintay

Isang mahalaga at importanteng mensahe

Tila naging larawan ang mensaheng kumupas

Na sa aking mga mata'y nag-iwan ng bakas

Sobrang inis at galit ang unang naramdaman

Matapos mabasa ang tunay na nilalaman

Pansamantalang naguluhan at nanghinayang

Sa bawat sandaling oras na aking nasayang

Nag-uunahang mga luha ang mababakas

Sa aking mga mata'y hindi makita ang wakas

Salitang masasama ay tila umaawit

Sa kung paanong ito'y umusad sa pagsambit

Kayhirap simulan ngunit kay bilis tapusin

Ng bawat pagsubok na aking nais pasukin

Kapalara'y nabigo at kayhirap tanggapin

Mailalarawan sa kaalatan ng asin

Pinili kong sumuko dahil walang pag-asa

Malabo at komplikadong ako'y umasa pa

Sa hamon ng buhay na ako mismo'y iniwan

Lahat ay sinisi sa damot ng kapalaran

Chances... October 22, 2017